12-noyabr kuni Millat Umidi universiteti Yaponiyaning Nagoya Siti universiteti delegatsiyasini qabul qildi.

Delegatsiya tarkibida doktor Chihara Satoshi, doktor Naomi Akiyama va doktor Shigeaki Mishima ishtirok etdi. Ushbu uchrashuv samarali va konstruktiv muhokamalar bilan o‘tdi, unda ikki universitet o‘rtasidagi hamkorlikni yanada mustahkamlashning yangi yo‘nalishlari muhokama qilindi.

Muloqot davomida o‘qituvchi va talabalar almashinuvi dasturlarini amalga oshirish, shuningdek, magistratura bosqichida qo‘shma ta’lim dasturlarini tashkil etish bo‘yicha muhim kelishuvlarga erishildi. Bu kelishuvlar nafaqat ilmiy tadqiqotlar sohasidagi aloqalarni kuchaytiradi, balki xalqaro tajriba almashinuvi va o‘zaro madaniy anglashuvni kengaytirishga xizmat qiladi.

Uchrashuv nafaqat hamkorlik istiqbollarini ochdi, balki har ikkala universitetning global ta’lim sohasida o‘z o‘rnini mustahkamlashda muhim qadamlardan birini tashkil etdi.