Millat Umidi universitetida Malayziyaning Sultan Idris ta’lim universiteti Kompyuter va Meta-texnologiyalar fakulteti hurmatli professori doktor Che Zalin Zulqifli bilan uchrashuv bo‘lib o‘tdi.

Uchrashuv davomida o‘qituvchilar malakasini oshirish dasturlari, talabalar almashinuvi tashabbuslari, yozgi va qishki maktablarni tashkil etish hamda akademik va madaniy aloqalarni mustahkamlash maqsadida madaniy almashinuv loyihalarini amalga oshirish bo‘yicha kelishuvlarga erishildi.

Bu tashabbuslar ikki oliy ta’lim muassasasi o‘rtasida hamkorlikni yanada rivojlantirishga, o‘qituvchilar va talabalar o‘rtasida tajriba almashinuvini kengaytirishga hamda turli madaniyatlarni o‘rganish orqali umumiy o‘sishga xizmat qiladi. Bu kabi muloqot va kelishuvlar xalqaro hamkorlikning rivojlanishiga katta hissa qo‘shadi.